Oppstartsmøte tilsyn barnevernet

Sjølve tilsynet skjer i perioden 19. - 29. september, her skal statsforvaltaren gå gjennom saksmapper, intervjua tilsette og fosterbarn - og foreldre. Det heile vert avslutta med eit oppsummeringsmøte den 29. september.

Tysdag denne veka var statsforvaltaren på besøk og hadde oppstartsmøte for sentrale medarbeidarar i barnevernet og kommunalsjef for oppvekst. Statsforvaltaren var representert ved tilsynsleiar Trine Hove Bjørnsen, revisor Brit Espeland Nedreaas og revisor Guro Bakke Haga. 

Sist gong Etne/Vindafjord hadde tilsyn med oppfølging av oppfølging av barn i fosterheim var i 2014, og tilsynsførar Bjørnsen sa at grunnen til at Vindafjord blei plukka ut til å få dette tilsynet var nettopp at det var gått nesten 10 år sidan sist. 

Føremålet med tilsynet er å bidra til å styrkja sikkerheit og kvalitet i tenestene, og å bidra til rettssikkerheit og tillit. Barnevernet og tilsynet har felles mål om å bidra til trygge og gode tenester til barn og familier. 

I forkant av dette oppstartsmøtet så har einingsleiar Turid Askeland og hennar fagleiarar og tilsette jobba med å sende inn dokumentasjon til statsforvaltaren.

Kva skjer så vidare etter oppstartsmøtet?

• 11.09.23: Telefonintervju med fosterbarn og fosterforeldre
• 19.09 t.o.m 21.09.23: Arbeid i kommunen med gjennomgang av saksmapper og intervjuer med utvalde tilsette
• 29.09.23: Oppsummerande møte

Les også: Førebur tilsyn