Kva er pårørandeskulen?
Pårørandeskulen er eit kurstilbod til deg som har eit familiemedlem eller ein nær venn med demenssjukdom. Personen med demens kan bu i eigen heim eller på institusjon. Ved faglege forelesingar, plenums- og gruppesamtalar får du kunnskap om demens og innsikt i kva følgjer sjukdommen kan ha for personen med demens, deg som pårørande og øvrige familie. Du treff andre pårørande i same situasjon og fagpersonar med kompetanse på området.
Kva inneheld kurset?
Kurset er lagt opp over 4 samlingar med følgjande tema:
• Om demens og utredning
• Kommunikasjon med personar med demens
• Pårørande sine opplevingar, eigenomsorg og ventesorg
• Tenestetilbod i kommunane og velferdsteknologi
• Enkel innføring i framtidsfullmakt
Pårørandeskulen sitt mål:
• Gje pårørande auka kunnskap om demenssjukdommar
• Gje pårørande metodar for kommunikasjon og samhandling med personar med demens
• Bidra til at pårørande får betre kjennskap til korleis ein får kontakt med hjelpeapparatet
• Tilby støtte gjennom å møta andre pårørande som er i same situasjon
På pårørandeskulen vektlegg me tryggleik, og fortrulege opplysingar som kjem fram skal verta verande hjå deltakarane.
Ta kontakt dersom du har behov for avlasting for å kunne delta på kurset. Me vil forsøka å vera hjelpsame med det.
Samlingar hausten 2024
Stad: Etne (stad er avhengig av antal påmelde)
Tid: 18.00 - 21.00
Datoar:
- 23. oktober
- 30. oktober
- 6. november
- 13. november
Kursavgift: 300 kroner per deltakar (inkluderer kursmateriell og enkel servering)
Påmelding
Påmelding: 05.08.24 - 06.09.24
For påmelding eller fleire opplysningar, kontakt Solveig Kvamme.
E-post: frivillig.etne@gmail.com
Telefon: 902 38 354
Merk deg at kurset har begrensa antal plassar.
Arrangørar
Kurset blir arrangert av Vindafjord og Etne kommune, og Etne- og Vindafjord frivilligsentral.
Artikkel om pårørandeskulen frå 2023