Kontrakt for symjehall og bygdehus signert

I siste kommunestyret for denne perioden blei prosjektet godkjent og endeleg kostnadsramme vedtatt. 

Sjå endeleg vedtak her (KS 49/23):

Kommunedirektøren tilrår at bruttokostnaden for utvikla prosjekt vert godkjent, og at ny symjehall og bygdehus i Vats no går over i byggefase.

• a. Symjehall og bygdehus i Vats vert vedteke bygd med ei øvre bruttokostnad på kr. 200 mill. inkl. mva.
• b. Gjennom vidare arbeid med finansiering slik det går fram av saka skal ein søke å begrense kommunens eigenfinansiering for hovudprosjektet til kr. 48 mill.
• c. Det vert gjort ei ytterlegare løyving til sklie på inntil kr. 4,0 mill. ekskl. mva., under føresetnad om minimum kr. 3,0 mill. i ekstern finansiering.

Kommunedirektøren får mandat til å utarbeida naudsynte avtalar med Vindafjordhallen SA. Avtalane vert lagt fram for kommunestyret etter avklaringar om ekstern finansiering.

Slik kjem symjehallen og bygdahuset til å sjå ut Illustrasjon: GL Prosjektservice AS

Entreprenør byrjar allereie å rigge seg til på byggeplass måndag i kommande veke, og ventar å starte rivingsarbeida i slutten av veka.

Dette gler me oss til.