Folkemøte om mogeleg industriutvikling på Dommersnes i Vikebygd

Utbygginga av Hywind Tampen for Aker Solutions/Equinor viste at kommunen sitt industriområde på Dommersnes er godt eigna for mellom anna produksjon og samanstilling av havvindmøller. Etter at utbygginga vart avslutta har fleire aktørar vist interesse for å nytte området til andre prosjekt med produksjon og samanstilling av havvindmøller. Det potensielle omfanget av desse prosjekta vil truleg ha behov for å nytte heile det arealet som er avsett til industri, og det vil vere naudsynt å både regulere og opparbeide arealet for full produksjon.

I samband med kommunen sitt arbeid med å sjå på mogleg utvikling av Dommersnes ønskjer me å invitere til eit ope folkemøte om arbeidet så langt.

Velkommen til informasjonsmøte (PDF, 226 kB) på Vikebygd grendehus torsdag 16. februar kl 18

Agenda:

• Opning av ordførar
• Innleiing frå kommuneadministrasjonen
  • Mogleg utvikling og omfang
  • Organisering og framdriftsplan
  • Informasjon om prosess knytt til grunneigarar og andre berørte
• Innlegg frå Westcon
• Spørsmål frå salen