Frå og med i dag gjeld det generelle bålforbodet i og nær skog og utmark.
Haugaland brann og redning
Brannvesenet ønskjer at folk skal ha eit sunt og naturleg forhold til bruk av eld, men det er viktig å forstå kvifor forbodet gjeld no. Naturen treng ro – me går inn i ei sårbar tid der både fugl og dyr er i yngleperiode. Ein kvisthaug i hagen kan skjule både reir og smådyr, og å tenne på no kan gjere stor skade på naturmangfaldet.
Samtidig aukar faren for skogbrann i denne perioden. Det er ikkje lenger berre gras og småvegetasjon som kan ta fyr – brannane kan spreie seg til tre og skape farlege og særs krevjande brannar.
Me ønskjer likevel ikkje å ta frå folk gleda ved friluftsliv. Det er framleis tillate å fyre opp bål på godkjende bålplassar, eller dersom det heilt openbert ikkje er brannfare – til dømes når bakken er snødekt eller etter langvarig regn.
Hugs: din brann – ditt ansvar. Du har ansvar for at bålet er trygt.
Og skulle noko gå gale: Varsle brannvesenet så tidleg som mogleg – ring 110!
Haugaland brann og redning IKS
Telefonnummer Haugaland brann og redning IKS: 91 91 01 11
Sist endra 15.04.2025 10.28