Administrasjonsutvalet (ADMU)

Aministrasjonsutvalet (ADMU) er kommunen sitt partssamansette utval etter kommunelova § 5-11. ADMU har avgjerdsmynde i saker som gjeld forholdet mellom kommunen som arbeidsgjevar og dei tilsette, dersom myndet ikkje er tillagt andre organ/delegert til kommunedirektøren eller saka sin karakter tilseier at kommunestyret skal ha avgjerdsmynde.

Arbeidsområde, der kor ikkje myndet er tillagt andre:

  • Personalpolitiske retningsliner
  • Generelle tilhøve mellom kommunen som arbeidsgjevar og dei tilsette
  • Tvistespørsmål om tolking og praktisering av avtalar, reglement og andre avgjerder som angår dei tilsette sine tilsetjings-og arbeidsvilkår.

ADMU må ikkje forvekslast med Arbeidsmiljøutvalet (AMU), som er kommunedirektøren sitt arbeidsmiljøutval. Dei kan i nokre tilfelle ha overlappande fagområde. Begge utval har tillitsvaldrepresentantar, men i ADMU er det politikarar som er arbeidsgjevarrepresentantar. ADMU vert leia av ordføraren.

Møteplan og medlemmer

Sist endra 07.03.2024 12.06