Ølen

Tilkomst og parkering

Følg vegen mellom Sandeid og Ølen. Sjå etter skilt for tursti og Stuhaug Turisme (Sandeidvegen 453). Følg skilt til parkeringsplass ved Stuhaug Turisme.

Om turen

Frå parkeringsplassen følgjer du traktorvegen om lag 2,5 kilometer. Dette er same veg som stien til Aurdal. Vegen stig bratt første delen. Når du kjem opp på den første flata er det merka utsiktspunkt. Her er det ein benk for å ta seg ein rast med god utsikt over dalen ned mot Sandeid. Etter utsiktspunktet er det framleis litt stigning før traktorvegen flatar ut. Stien tar av frå traktorvegen og går opp på vestsida av toppen. Turen går nesten rundt Steinslandsnuten før du kjem til toppen.

Terreng

Traktorveg i skog nederst, godt merka sti øvst, med snaufjell og god utsikt.

Avstand

Om lag 8 kilometer tur/retur.

Tidsbruk

2-3 timar tur/retur.

Vanskegrad

Forklaring til fargekodane (PDF, 178 kB)

Turkart (PDF, 2 MB)

Digitalt kart

Ut.no

Utsikt frå Steinslandsnuten Pål Viland Monstad

Utsikt frå Steinslandsnuten Pål Viland Monstad

Tilkomst og parkering

Det er 2 ulike startalternativer for turen til Svartafjell.

Alternativ 1:
Opheim: same parkeringsplassen som til Olalia.

Alternativ 2:
Klungland: det er merka parkeringsplass ved Øklandsvegen, om lag 100 meter frå Sandeidvegen.

Om turen

Svartafjell er det høgaste punktet mellom Øklandsvatnet og Ølen. Dette fører til at du får god utsikt i mange retningar.

Alternativ 1:
Frå parkeringa på Opheim går stien mot sør-vest, i småkupert terreng. Etter om lag 1 kilometer svingar stien mot sør, kryssar ein bekk og stig mot Lille Eivindsasen. Stien dreier så mot vest. Du er over halvvegs når du møter merka sti mot Øklandsvatnet. Stien går sør for Svartatjørn på veg til toppen. Frå toppen kan du gå tilbake til parkeringsplassen eller følgja den merka stien vidare vestover mot Klungland. 

Alternativ 2:
Frå parkeringa ved Øklandsvegen/Klungland går det 2 godt merka stiar opp lia. Stien går nord for Klunglandsstølen. Fra toppen kan du gå tilbake same veg eller følgja den merka stien vidare austover til Opheim. 

Avstand

7 kilometer tur/retur frå Opheim.
4-5 kilometer tur/retur frå Øklandsvegen og Klungland.

Tidsbruk

Du bør rekna 2-3 timar på turen

Vanskegrad

Forklaring til fargekodane (PDF, 178 kB)

Turkart (PDF, 8 MB)

Digitalt kart

Tilkomst og parkering

Ved SR-Bank Stadion i Ølen eller Ølen idrettshall.

Om turen

Tursti med lys. Følg lysstolpane. Eigna for sykkel, barnevogn og rullestol i lett terreng. Turen startar aust for SR-Bank Stadion. Gå opp til Steinbru og vidare langs Oselva opp til Hellevadvegen. Følg så Hellevadvegen til krysset med vegen til Øvrehagen, deretter ned til Steinbru og attende til stadion. Turkassen finn du ved badekulpen før vegen stig mot Hellevad, omlag 500 meter før du kjem til Hellevadvegen.

Avstand

4 kilometer (rundtur).

Tidsbruk

Om lag 1 time (rundtur).

Vanskegrad

Tilrettelagt
Forklaring til fargekodane (PDF, 178 kB)

Turkart (PDF, 3 MB)

Digitalt kart

Ut.no

Silje Holden Birkeland

Tilkomst og parkering

Bak Ølen kulturhus ved Ølen Båtlag sin molo. 

Om turen

Turen startar frå Revehallen mot Osen og Oselva. På vestsida av elva går det ein tursti i ulendt terreng for dei meir spreke. Gå opp Osabrekko, som er noko bratt. Når du kjem til vegen som går til Øvrehagen, ta til høgre ned til Steinbru. Studer brua som er den eldste steinkvelvingsbrua i Ølen. Eit kunstverk.

Vidare går turen opp til Fatland alakteri over E 134 opp mot gardane på Eide. Her er det god utsikt. Ved poststativet til Eide Gard står postkassa plassert. Følg grusvegen til Riksveg 514. Gå over vegen. Her kan edu ta ein ekstra tur bort til Nerheimstunet, bygdetun frå 1859.

Denne turen går vidare ned postvegen langs elva som kjem frå Stumo. Her kan du sjå gamle vegskilt. Turen går deretter gjennom det historiske sentrum av Ølen. Ein fin plass å ta kaffipause er i Joa-Kari Parken i sentrum.

Terreng

Sentrumsnært område med litt bratte bakker opp til flaten, der det er god utsikt utover Ølensfjorden. Deler av turstien er grus.

Avstand

Rundtur om lag 3,5 kilometer.

Tidsbruk

Om lag 1,5 time.

Vanskegrad

Turkart (PDF, 941 kB)

Digitalt kart

Dag Smemo

Tilkomst og parkering

Ta av frå E 134 ved Fatland slakteri mot Øvrehagen. Parker på toppen av byggefeltet, ved turinfotavle.

Om turen

Først på merka sti om lag100 meter til du kjem inn på traktorveg. Ta til høgre og gå oppover traktorvegen inn i granskog, deretter vidare på merka sti opp gjennom skogslia opp til snaufjellet. Her startar rundturen. Gå mot Varden der du får flott utsikt mot Ølen og Ølensvåg.

Frå Varden tar du mot nord og går rundt Krokavatnet. Turkassen finn du i nordenden av vatnet. Stien går vidare over Slettafjellet (538 m.o.h.), den høgaste toppen på Roafjellet. Her får du god utsikt mot Etne, Folgefonna og fjella i Kvinnherad. Gå vidare om Bygdarenuten (525 m.o.h.), før du går ned den bratte lia same ruta du kom opp.

Terreng

Litt traktorveg, mest sti. Bratt li, småkupert på toppen.

Avstand

Om lag 6 kilometer (rundtur).

Tidsbruk

Om lag 3 timar (rundtur).

Vanskegrad

Turkart (PDF, 3 MB)

Digitalt kart

Utsikt over Ølen Torbjørn Ruud

Tilkomst og parkering

Parker i Ølen sentrum, til dømes ved symjehallen eller ved SR-bank Stadion.

Om turen

Turen går først til Steinbru, brua nord for Fatland slakteri. Studer brua, som er den eldste steinkvelvingsbrua i området, eit kunstverk. Følg vegen Øvrehagen vidare om lag 600 meter. Ta inn på Hellevadvegen (gamlevegen mot Etne) og følg denne i om lag 4 kilometer. Turkassen er ved tyskarhòlene på Fikse. Tyskarane hadde skytestillingar her under krigen.

Terreng

Turveg.

Avstand

Om lag 9,2 kilometer tur/retur.

Tidsbruk

Om lag 2-2,5 time tur/retur.

Vanskegrad

Turkart  (PDF, 3 MB)

Digitalt kart

Ut.no

Torbjørn Ruud

Torbjørn Ruud

Tilkomst og parkering

Følg E134 austover frå Ølen til Opheim (Olalivegen). Parkeringsplass på fjellet ved Opheim.

NB: Parkeringsavgift 75 kroner. Kan betalast med SMS, Easypark-app eller Vipps

Om turen

Skukkane er fjellet nordaust for parkeringsplassen på Opheim. Frå parkeringsplassen kryss bekk og følg den gamle stien til Olalia. Etter berre 30 meter ta av mot nord. Stien følgjer lia mot nordaust, først gjennom bjørkeskog, seinare i ope terreng. Turen til Skukkane er ein kort tur, og det er difor merka ein rundtur vidare om Gudmundsnuten, Keisarholli og Røde Kors-hytta.

Frå Skukkane går stien mot Grasdalen i aust, kryssar dalen og svingar mot nordaust. Første toppen du kjem til er Gudmundsnuten, her kan du velje å gå vidare til Keisarholli eller direkte ned mot Røde kors-hytta. Følg stien og vegen som turistforeininga har merka tilbake til utgangspunktet.

Terreng

Turveg, sti, myr.

Avstand

Om lag 3 kilometer tur/retur (om lag 6 kilometer på rundturen).

Tidsbruk

Omlag 1-1,5 time tur/retur (Om lag 2-3 timar på rundturen).

Vanskegrad

Forklaring til fargekodane (PDF, 178 kB)
 

Digitalt kart

Keisarholli på ut.no

Torbjørn Ruud

Tilkomst og parkering:

E-134 frå Ølen til Opheim. Parkeringsplass på fjellet ved Opheim v/avgift. 

Om turen:

Følg grusveg mot Olalia Fjellstove. Følg vegen til nordenden av “Ongelsvatnet”. Ca 1,5 km før Olalia Fjellstove tar du av frå grusstien. Følg gule merker mot nord langs Ongelsbekken. Bratt sti opp mot Steinfjellet 682 m.o.h. Fin varde og god utsikt i alle retningar. Gå vidare mot aust, forbi Staurskar og ned til Olalia Fjellstove. Følg grusvegen tilbake igjen til Opheim. 

Terreng:

Lett terreng fyrste delen, og litt stigning opp til det vesle vatnet “Tosko”. Terrenget endrar seg frå skog til ope lende. Anbefalar å ha på seg støvlar eller fjellsko.

Avstand: 

15 km

Tidsbruk: 

Omlag 5 timar t/r

Vanskegrad: 

Krevjande tur.

Digitalt kart

Turkart

Ut.no

Fin varde og god utsikt i alle retningar. Torbjørn Ruud