Imsland

Tilkomst og parkering

Køyr til Ølmedal. Ta av fra Saudavegen inn til venstre, følg Ølmedalsvegen om lag 3 kilometer. Ta av til Ilstveitsvegen om lag 100 meter. Ta til høgre før postkassestativ, køyr gjennom tunet til Karstein Husteveit til du ser ein bomveg. Følg den bratte vegen opp til parkering. Frå Saudavegen til parkering går det om lag 5-10 minutt.

Om turen

Ein flott tur med unik utsikt. Du ser Krossfjorden, inn til Levarshidler og heile Ølmedal. Dette er ikkje ein rundtur. Samme veg ned igjen. 

Terreng

Sti i starten av turen, deretter fjellterreng. Litt bratt å gå gjennom Breiaskar.

Tidsbruk

Om lag 1,5 time frå parkeringa.

Vanskegrad

Forklaring til fargekodane (PDF, 178 kB)

Digitalt kart

Tilkomst og parkering

Køyr til Imsland og parker ved bygdahuset.

Om turen

Turen går rundt Ølmedalsvatnet på asfalt. Lett kupert. Fin tur i flotte omgjevnader. Postkassen finn du i enden av vatnet, ved brua.

Terreng

Asfaltert veg.

Avstand

7 km rundt vatnet.

Tidsbruk

Om lag 1,5-2 timar i roleg turfart. Rask gange 1 time.

Vanskegrad

Tilrettelagt
Forklaring til fargekodane (PDF, 178 kB)

Turkart (PDF, 3 MB)

Digitalt kart

Ut.no

Ølmedal rundt Ola Skipevåg

​Tilkomst og parkering

Ta av frå E134 i rundkjøringa ved Knapphus, og følg Fylkesveg 46 (Saudavegen) inn til Akslandstunellen. Parkering på høgre side før tunellen.

Om turen

Kryss vegen og følg skogsveg oppover. Vegen går bratt oppover til Skolleskar, og går vekselvis på skogsveg og sti. Det er fleire våte parti frå Skolleskar og inn til stølen. Kassen er plassert på Akslandsstølen, men det er merka tur opp til Akslandsnuten viss nokon vil ha ein lengre tur. Denne turen tar ca. 2,5 timer t/r i tillegg.

Avstand

Omlag 3,5 kilometer (tur/retur).

Tidsbruk

Omlag 2 timar (tur/retur).

Vanskegrad

Forklaring til fargekodane (PDF, 178 kB)

Turkart (PDF, 3 MB)

Digitalt kart

Marit Svandal

Tilkomst og parkering

Ta av frå Fylkesveg 46 (Saudavegen) i Ølmedal og sving til venstre i krysset ned til Imslandssjøen. Parker nede ved kyrkja. Du kan også parkera oppe ved bygdahuset i Ølmedal.

Om turen

Ørevikvegen er ein del av den gamle hovudvegen mellom Haugesund og Sauda. Vegen vart rusta opp som eit kulturminne på 1990-talet. Turen startar ved gardstunet på Imslandsgarden. Langs vegen er det infoskilt om vegen, planter og tre og det er rasteplassar med benkar. Turkassen finn du ved rasteplass i siste del av turvegen. Etter turen er det fint å ta turen ned til Imslandsjøen og bada.

Terreng

Mesteparten av turen går på grusveg, men det er asfaltert bilveg fram til starten på Ørevikvegen. 

Avstand

Om lag 4,8 kilometer tur/retur (frå kyrkja).

Tidsbruk

Om lag 1,0 time tur/retur. 

Vanskegrad

Tilrettelagt
Forklaring til fargekodane (PDF, 178 kB)

Turkart (PDF, 2 MB)

Digitalt kart

Ut.no

Tilkomst og parkering

Ta av frå fv. 46 (Saudavegen) og inn på Ølmedalsvegen på austsida av Ølmedalsvatnet. Ta så til høgre på privat traktorveg med bom før Ølmedal camping (sjå skilt). 20 kr kontant betaling i kasse. Følg traktorvegen til du kjem til stor parkeringsplass.

Om turen

Turen går først på traktorveg som går litt bratt oppover og vidare på sti langs ein bekk. Deretter er det lett kupert terreng innover mot toppen, bortsett frå eit lite bratt parti like før du kjem fram til målet. Frå Rindanuten kan du nyta fantastisk utsikt over Vindafjorden, Krossfjorden og heile Ølmedal.

Avstand

Omlag 4 kilometer (tur/retur).

Tidsbruk

Omlag 1,5 time (tur/retur).

Vanskegrad

Forklaring til fargekodane (PDF, 178 kB)
Turkart (PDF, 4 MB)

Digitalt kart

Ut.no

Tilkomst og parkering

Ta av frå Saudavegen og inn på Ølmedalsvegen på austsida av Ølmedalsvatnet. Ta så til høgre på privat bomveg før Ølmedal Camping. Her betalar du 20 kroner kontakt i kasse. Følg vegen til du kjem til ein stor parkeringsplass.

Om turen

Frå parkeringa går du forbi bom på skogsveg. Følg denne heilt til endes. Då kjem du til Vasstølsvatnet der du finn turkassen med kodeord. Det er fine badeplassar oppover langs elva og oppe ved vatnet. Turen tilbake er merka om Liabøstølen som ein liten rundtur.

Terreng

For det meste på god traktorveg. Går over på sti ved enden av vatnet med nokre våte parti.

Avstand

Om lag 5 kilometer (rundtur).

Tidsbruk

1,5 - 2 timar (rundtur).

Vanskegrad

Forklaring til fargekodane (PDF, 178 kB) 

Turkart (PDF, 4 MB)

Digitalt kart

Tilkomst og parkering

Turen startar i Skipavåg. Når du kjem frå Vikedal på Fylkesveg 46, Saudavegen, er det snautt 500 meter etter skilt for 60-sone og Skipavåg. Parkering ved busskur på høgre side av vegen, eller om lag 250 meter lengre fram på høgre sida.

Om turen

Turen startar på øvre sida av fylkesvegen. Gå om lag 130 meter vidare langs vegen frå bussuret. Eller tilbake om lag 120 meter dersom du har parkert på alternativet utan busskur.

Under vegs på turen er det nokre skilt med namn på plassar. Det første skiltet du kjem til er «Skiljeberget». Her kan du velja å gå eit stykke av turen på skogsveg. Dette er litt lengre, men ikkje så bratt som stien. Frå skogsvegen er det merka ein liten avstikkar til utsiktspunktet Trommenuten.

Det er også fleire andre utsiktspunkt oppetter stien. Her er det bratt utføre, så barn bør ikkje gå åleine i førevegen.

Hustoftstølen var stølen til Hustoft, Skipevåg og Rønnevik, som er dei inste gardane i Imsland. Herfrå kan du og gå vidare til Sellandsnuten 906 m.o.h., der det er flott utsikt i alle retningar. Turkassen finn du på Hustoftstølen.

Terreng

Sti, men du kan gå litt på skogsveg. Stien går for det meste i tørt terreng med ein del bratte parti, men nokre få plassar det kan vera blautt.   

Avstand

7,3 kilometer tur/retur.

Tidsbruk

Om lag 3,5 timar tur/retur.

Vanskegrad

Forklaring til fargekodane  (PDF, 178 kB) 

Turkart (PDF, 3 MB)

Tilkomst og parkering

Frå vest: Når du passerer Hogganvik er det 3,4 kilometer igjen. Parkeringsplassen ligg på høgre side i svingen etter at du har begynt å køyra ned mot Ølmedal sentrum.

Frå aust: Køyr 1,3 kilometer forbi Ølmedal sentrum. Parkeringsplassen ligg på venstre side i svingen i stigninga opp frå Ølmedal sentrum.

Om turen

Løypa går over beite på traktorveg. Gå gjennom grinda og inn i skogen. Ta av skogsvegen og fortsett på godt merka sti forbi Håvåsen og vidare bratt opp til Tjort. Stien svingar austover, og her er det eit flott utsiktspunkt over Ølmedal. Fortsett mot toppen og varden der turkassen ligg.

Terreng

Traktorveg og bratt sti.

Avstand

4,3 kilometer tur/retur.

Tidsbruk

2,5 – 3 timar tur/retur.

Vanskegrad

Forklaring til fargekodane (PDF, 178 kB)

Tilkomst og parkering

Ta av frå Saudavegen inn på Ølmedalsvegen på austsida av Ølmedalsvatnet. Ta så til høgre inn på privat bomveg rett før Ølmedal camping. Følg denne til du kjem til stor parkeringsplass.

Om turen

Passer bom inn på skogsveg. Etter 15-20 minutt frå parkeringa, ta av til høgre opp ein kort sideveg som tek deg til godt synleg sti inn i skogen. Gå forbi to raude stølshus og vidare mot Vasstølvatnet. Langs vatnet er det god sti. Ved enden av vatnet renn det ei elv. Etter vel 15 minutt er du framme ved Myrstøl.

Om du finn kong Håkon den 7. sitt sirlege monogram på steinhella ved den vesle grå stølsbua, treng du ikkje vera i tvil om at du er framme ved Myrstøl. Nyt freden, stilla og nistepakken. Kjem du hit på hausten kan du kanskje høyra hjortebrøl i lia.

Terreng

Startar på god traktorveg, hovudsaklig bortover og litt oppover. Går over på sti, som har nokre våte parti.

Avstand

8 kilometer tur/retur.

Tidsbruk

Om lag 3 timer tur/retur.

Vanskegrad

Forklaring til fargekodane  (PDF, 178 kB)

Turkart (PDF, 2 MB)

Digitalt turkart

Ut.no

Myrstøl

Tilkomst og parkering

Ta av frå Fylkesveg 46 til Kvaløy. Følg Kvaløyvegen nedover, ta til venstre i første kryss og til høgre i neste kryss. Følg Storøyvegen over Litløyna og vidare over på Storøyna til du kjem til ein opplagsplass. God plass for parkering.

Om turen

Frå opplagsplassen ta til høgre inn på traktorveg og følg denne. Det er ein bratt bakke i starten av vegen, resten går litt opp og litt ned. Har du ei god barnevogn og likar litt ekstra styrketrening på turen, er det mogleg å ta den med, men det er tungt.

Turkassen står ved enden av traktorvegen. Her kan du snu og gå same vegen tilbake. Vil du ha litt ekstra utfordring kan du fortsetta vidare rundt øya. Då må du ha gode sko, for der traktorvegen tek slutt er det ganske blautt. Deretter kan du følga ein sti eit lite stykke før du kjem til nokre små bratte parti på litt berg som kan vera glatte og kor stien ikkje viser så godt. Så har du gått rundt øya og kjem ut ved parkeringsplassen ved båthamna. Følg vegen tilbake til parkeringsplassen.

Terreng

Traktorveg (tur/retur) og  sti, myr, berg på rundtur.

Avstand

Om lag 2,6 kilometer tur/retur og omlag 2,1 kilometer rundtur.

Tidsbruk

Om lag 45 minutt tur/retur og rundtur.

Vanskegrad

Tur/retur

Rundtur 
Forklaring til fargekodane (PDF, 178 kB)

Turkart

Digitalt kart

Ut.no

Anna:
Kvaløy har og friluftsområde med badeplass og toalett.

Bilete