Vindafjord kommune gir tilbod om korttidsplass ved Ølen omsorgssenter. Dette gjeld personar som på grunn av sjukdom eller funksjonssvikt har behov for opphald i ein avgrensa periode. Målet for tenesta er å gi tryggleik til pasienten ved tilbakeføring til heimen, lindra liding og førebygga sjukdom og avgrensa følgene av sjukdom.
Pasienten får hjelp til å dekka sine grunnleggande fysiologiske behov, og hjelp til å meistra sin nye livssituasjon. Legetilsyn og nødvendig behandling blir gitt, saman med observasjon og vurdering av funksjons- og hjelpebehov.
Rulleringsopphald
Rulleringsopphald/vekselopphald er eit opphald for somatisk sjuke som vekslar fast mellom eigen heim og institusjon.
Fellesskap og aktivitetar
Tenesta gir høve til å delta i eit fellesskap og tilbod om aktivitetar. Den legg til rette for at pasienten kjenner seg trygg. Ein får også nødvendig vedlikehald av – og kompensasjon for – tapte funksjonar mellom anna ved tilpassing av hjelpemiddel.
Tenesta er heildøgnbemanna, og blir betalt etter satsar fastsett av kommunestyret.
Målet for tenesta er å gi pasienten eit trygt og meiningsfylt tilvære, lindra liding og førebygga og avgrensa omfanget av sjukdom. Pasienten får hjelp til å dekka sine grunnleggande fysiologiske, åndelege og kulturelle behov. Ein ivaretar og viser respekt for eigenverd og sjølvstende. Legetilsyn og nødvendig behandling blir gitt.
Fellesskap og aktivitetar
Tenesta gir høve til å delta i eit fellesskap, og ein legg til rette for at pasienten kjenner seg trygg. Ein får også nødvendig vedlikehald av – og kompensasjon for – tapte funksjonar, mellom anna ved tilpassing av hjelpemiddel.
Einerom til alle
Alle får eigenomsorg ivaretatt ut i frå eigne ressursar. Ein vil få til eit optimalt funksjonsnivå. Alle har einerom med dusj og toalett, og pasientane får tilbod om ulike aktivitetetar og kulturelle tiltak.
Tenesta er heildøgnbemanna, og blir betalt etter satsar fastsett av kommunestyret.
Eigenbetaling
- Per 1. januar 2022 er eigenbetaling for opphald på institusjon 180 kroner per døgn. Dette gjeld inntil 60 døgn per kalenderår.
- Deretter vert ein vederlagsberekna ut frå eiga inntekt.