Kva tilbyr me?
- Svangeskapsomsorg
- Jordmor
- Heimebesøk
- Kontrollar med helsesjukepleiar, lege og fysioterapeut
- Vaksinasjon ut frå Det norske vaksinasjonsprogrammet
- Rettleiing om kost, søvn, motorikk, trivsel, språk, vekst og utvikling
- Rettleiing om samspel og spørsmål knytta til foreldrerolla
- Rettleiing til nytilflytta, også flyktningar og andre innvandrarar.
- Open helsestasjon kvar torsdag frå klokka 13.00-15.00. Fysioterapeut er med siste torsdag i månaden
Følg oss gjerne på Facebook
Har du fått barn? Velkomen til helsestasjonen!
Å koma heim frå sjukehuset med eit nyfødt barn er ein stor omvelting i livet. Ein god start forutset fredelege og kjærlege omgjevnader. Difor har me samla nokre tips og råd til deg og den nyfødte.
Kvar torsdag frå klokka 13.00-15.00 har me open helsestasjon. Då kan du koma og vega barnet ditt og snakka med helsesjukepleiar.
Kva skjer på helsestasjonen?
Den første kontakten de har med helsestasjonen er når me kjem på heimebesøk. Då sjekkar me om barnet ditt har lagt nok på seg, og hjelper deg med å finna riktig ammeteknikk. Om du gir barnet ditt flaske, gir me deg tips og råd om det.
Neste gong me treffest er når de kjem på kontroll på helsestasjonen. Der følgjer me med på barnet si utvikling og vaksinerer. Er det noko du lurer på, gler deg over eller som bekymrar deg, er det berre å spørra, og del det gjerne med oss. Ingen spørsmål er dumme eller rare.
Her finn du oversikt over barnevaksinasjonsprogrammet.
Konsultasjonar ved helsestasjonen
Kontakt oss via Digihelsestasjon!
Digital helsestasjon kan brukast av alle innbyggarar, og gravide kan ha dialog med jordmor.
Barn og ungdom under 16 år kan bruka løysinga via foreldre, og foreldre kan sjå barna sine timeavtalar, kva for barn som har time, få oversikt over vaksiner og senda meldingar om du lurer på noko.
Gjennom helsenorge.no kan du senda spørsmål og få svar frå helsepersonell, senda førespurnad om time eller avlysing av time, halda oversikt over avtalane dine og få varsel og informasjon. Alt på en trygg og sikker måte.
Les meir her
Nyttig informasjon om ulike ting
Når de kjem heim frå sjukehuset, er det mange ting ein må hugsa på. Her er ei sjekkliste med nokre av de viktigaste punkta
Sjekkliste for det nyfødte barnet
Kor mykje og kva skal babyen eta? Får babyen nok mjølk? Kva gjer eg om eg får brystbetennelse?
Me anbefal ammehjelpen.no for tips og råd om amming.
Gjer du morsmjølkerstatning, kan du sjå anbefalingar og råd om det her.
Her kan du lesa om mat, måltider og introduksjon av fast føde. Brosjyren kan du laste ned på mange ulike språk.
Food and meals for orphants
In this brochure you can read about food, meals and introduction to solid food. The brochure can be downloaded in many languages.
Å få barn er noko av det største som kan skje i livet. Samstundes er det ikkje uvanleg å få angst, bli nedstemt eller deprimert i tida etter fødselen. Snakk med oss om du har tankar om at ting ikkje berre er greitt. Du er ikkje åleine om ha slike kjensler og tankar.
Les meir om fødselsdepresjon og angst her.
Er han for varm? Er ho for kald? er spørsmål du kjem til å stilla deg sjølv mange gonger i tida framover. Spedbarn regulerer temperaturendringar dårleg. Dei kan raskt bli for kalde eller overoppheita. Sjå guide for påkledning her.
Skal du ut å reisa kan det vera lurt å sjekka ut om du og barna har behov for ekstra vaksiner. Du kan ta kontakt med reisevaksinasjonskontoret vårt på mobil 91 30 38 42.
Sjekk også ut denne sida om reisevaksine.
Vindafjord kommune er ein av-og-til-kommune. Av-og-til er ein alkovettorganisasjon. Dei set fokus på situasjonar der alkohol utgjer ein særleg risiko, eller kan vera til ulempe for andre.
Av-og-til arbeider med å bidra til å redusera dei negative følgjene av alkoholforbruk i samfunnet og gjera kvardagen tryggare for alle. Helsestasjonen oppfordrar alle med barn om å tenka på kva alkoholforbruk ein ønskjer i familien og ta stilling til dette temaet Av-og-til
«Gode råd»-serien er 21 brosjyrer med informasjon til gravide og sped- og småbarnsforeldre. Alt frå kva du skal gjera om barnet ditt får feber, utslett, har kolikk og mykje meir.
På Giftinformasjonen finn du gode tips og råd om barnet ditt får stikk, eter planter eller får i seg medisiner og andre ting.
Giftinformasjonen har beredskap heile døgnet. Det kan vera lurt å ha telefonnummeret lagra på telefonen. Nummeret er 22 59 13 00.
Førebygga ulukker
Helsenorge – etter fødsel, nybakt mamma
Trygg Trafikk
Matportalen
Barn sitt miljø og tryggleik – seks ulike brosjyrer. These brochures can be downloaded in different languages.
Videoar om graviditet, fødsel og barselstid
Adresse: Helsestasjonen, Rådhusplassen 1, 5580 Ølen.