Oppvekstkoordinator

Med all satsing på barn og unge som BTI, SLT, Ung Data, oppvekstreforma, kompetanseløft for spesialpedagogikk og inkluderande praksis, folkehelse med meir, er det viktig at kommunen har ein koordinator for å sikra at tenestene går i takt med desse nye og viktige satsingane for laget rundt barnet. 

IKT- og utviklingsrettleiar Pål Askvik har rolle som oppvekstkoordinator i 30 % stilling. Han vil arbeida for tettare samarbeid mellom barnehagar, skular, barnevern, NAV, helsetenester og sosialetenester. I tillegg vil han ha koordineringsansvaret for SLT sitt arbeidsutval, ei rolle som også betyr at han er kommunen sin kontaktperson med politikontakten. 

Heilskap og samanheng

Kommunalsjefane for helse og omsorg, oppvekst og samfunnsutvikling fungerer som styringsgruppe for barn og unge. Det at alle områda er representert også på overordna nivå er med og understreker kor viktig heilskap og samanheng er i arbeidet.

Det viktigaste arbeidet blir uansett gjort ute i kvardagen på helsestasjon, i barnehagar og skular. Arbeidet må bygga på tillit og samarbeid med barn, unge og deira familier, og ved bruk av hjelpetenestene til rett tid. Ved å bygga gode relasjonar og vera tidlig inne, slik det er skissert i BTI-modell og Handlingsrettleiar, trur me på å lukkast sjølv om ein treff på  utfordringar. Stafettloggen er eit nyttig verktøy til å hjelp på vegen.

BTI modellen

Handlingsrettleiaren

Stafettloggen