Om oss

Fakta om Imsland barnehage frå barnehagefakta.no, slik som barn per tilsett, barn per faglærar, foreldretilfredsheit.

Fakta om barnehagen

Imsland barnehage er ein einavdelingsbarnehage i same lokale som Imsland skule. Overgang frå barnehage til skule er difor trygg og god.

Me har eit stort uteområde tett med naturen, som me nyttar med elevane, men me har også moglegheiten til å vera i skogen utanfor barnehagen. Me har kjekke leikeapparat, og me har også ein lavvo som me nyttar oss av.

Les meir om korleis du går fram på denne sida:

Barnehageplass

Sjølv om barnehagen berre har ei avdeling, har barna som skal starta på skulen tid for seg sjølv i barnehagen. Desse kallar me S-gjengen, og barna frå 4 år blir kalla mini-S gjengen. Ein får dermed eit meir tilpassa opplegg til dei ulike aldersgruppene og jobbar t.d. med språkleiker, og me passar også på at dei aller minste får tilpassa kvardagen sin til sine behov.

Tema for barnehageåret 2020-2021 er «Natur og friluftsliv» der me har fokus på å gå turar og vera ute. Gjennom barnehagedagen vil me at barna skal få oppleve meistring, læring og leik. Me ynskjer ein barnehage der me har me god tid, og at barna skal sleppe å oppleve stress og tidspress. Me vil at barna skal få ha opplevinga av å ha heile dagen.

Barna skal bli møtt av autoritative vaksne, og god kommunikasjon er noko som blir vektlagt hjå oss. Me skal vera støttande og oppmuntrande for barna, samstundes setje grenser. Visjonen vår «Rom for alle og blikk for den enkelte» står sterkt .